Manamnama a mangibangon ti Department of Foreign Affairs (DFA) ken ti Department of Justice’s Inter-Agency Council Against Trafficking (DOJ-IACAT) kadagiti help desk kadagiti lokal a munisipyo ken barangay tapno marisut dagiti pakaseknan iti human trafficking.
Daytoy ket kasaruno ti “repatriation” wenno pannakaisubli ti sangapulo pay a Pilipino manipud Cambodia a nangged para iti online scams.
Nagpakdaar ni Foreign Affairs Undersecretary Robert Ferrer Jr. kadagiti interesado nga aplikante iti trabaho iti ballasiw-taaw nga agannad kadagiti job postings online iti tengnga dagiti insidente ti trafficking iti ballasiw-taaw.
Sigun kenni Ferrer, saan nga amin nga adda iti internet ket pudno.
Gapu iti dayta, insuhesionna a sukimaten a nasayaat dagiti mangrec-recruit gaputa adda dagiti nagduduma nga ahensia a mabalin a tumulong a kas ti Department of Migrant Workers, DOLE, ken dadduma pay.
