--Ads--
Naikkat iti pwesto ti principal a nagviral itay napalabas gapu iti panangpaikkatna kadagiti toga dagiti estudyante kabayatan ti graduation ceremony sadiay Antique.
Daytoy ket impakaammo ni Palace Press Officer Undersecretary Atty. Claire Castro ita nga aldaw.
Sigun kenni Atty. Castro, naikkat ti nasao a principal iti akem daytoy ngem saan a karaman ti lisensyana gapu ta dayta ket nasken a pammilin ti presidente wenno ti Department of Education secretary.
Immunan nga impakaamo ti Department of Education a saan a maiparit ti panagaramat iti toga iti graduation.
Kabayatanna, impakaamo ti Schools division ti Antique a nang-organisada iti investigation team bayat a nabilin dagiti concerned officials a mangisubmitir iti incident report.
