Agtultuloy ti panagregget ti Police Regional Office Cordillera Administrative Region (PRO CAR) para iti komitment dagitoy a sumardeng dagiti anyaman nga iligal a droga nga aktibidad.
Daytoy ket kalpasan a nadiskobre dagiti otoridad ti agarup P3 million a gatad ti marijuana plants kabayatan ti naisayangkat a marijuana eradication idi Abril 24, 2025 sadiay Kibungan ken Bakun.
Nagresulta daytoy iti panakadiskobre ti 10, 100 a fully grown marijuana plants ken 8, 880 a dried marijuana leaves manipud iti uppat a marijuana plantation sites.
Balligi ti nasao nga operasyon babaen iti panagtinnulong ti Benguet Police Provincial Office (PPO), ti Regional Intelligence Division (RID) ti PRO CAR, ti Regional Intelligence Unit 14 (RIU-14), ken ti Philippine Drug Enforcement Agency – Cordillera (PDEA-CAR).
