Agpukos ita ti Department of Education (DepEd) nga i-train dagiti estudyante nga agbalin a critical thinkers imbes nga isuroan dagitoy nga agmemorize iti uneg ti pagadalan.
Kasaruno daytoy ti report ti Philippine Statistics Authority a dandani dumanon iti 19 million a senior ken junior high school graduates idi napan a tawen ti saan a “functionally literate,” wenno marigatan a mangawat iti simple nga istorya.
Sigun kenni DepEd Secretary Sonny Angara, masolusyonan ti nasao a parikut babaen iti panangpapigsada iti interventions manipud iti remedial ken literacy programs iti epektibo a panagaramat iti data iti tunggal pagadalan.
Innayon pay ni Angara nga ikorektarda dagiti biddot kadagiti napalpalabas tapno maisagana dagiti estudyante iti napintas a masakbayan babaen iti panagbalin dagitoy a functionally literate.
Dinakamat ti Philippine Statistics Authority a dagiti maibaga a functionally literate person ket ammona nga agbasa, agsurat, agcompute ken agcomprehend wenno mangawat kadagiti simple nga istorya.
Maibasar iti kaudian datus, adda ti 24.8 million a Pilipino iti pagilian a marigatan a mangawat iti simple nga istorya wenno kadagiti nabasada.
