--Ads--
Inwaragawag ni Education Secretary Sonny Angara a saanen a kasapulan nga aguniporme dagiti estudiante gapu iti nakaro a pudot nga intuntunda ti Super El Niño.
Ikonkonsidera metlaeng ti DepEd ti pannakasuspender ti klase iti kanito a dumanon ti temperatura iti 40°C wenno nangatngato.
Sigun kenni Science Secretary Renato Solidum, mabalin a makapasar iti tikag dagiti amin a probinsia inton ngudo ti Marso 2027.
Kabayatanna, isagsagana metten ti gobierno dagiti addang tapno masigurado ti umdas a suplay ti danum ken masalakniban dagiti apit, pakairamanan ti cloud seeding, a naitunding intun Nobiembre 2026.
