Inreklamo ti 49-anyos a babae, maysa a private practice lawyer ti bayawna nga agtawen iti uppat a pulo ket innem, sigud nga overseas filipino workers (OFW) iti kaso nga alleged unjust vexation ken physical injuries.
Dagiti dua ket agpada a residente sadiay Bengao, Bakakeng Central, Baguio City.
Sigun iti report ti pulisya, maatap nga idi manarimaan ti tungtungan dagiti dua seknan iti kaiyaw-awid nga aso a naoperaan manipud iti maysa kadagiti veterinary clinic iti syudad ti Baguio ket nagparnuay ken nagresulta daytoy iti saan a nagkinaawatan dagiti dua a partido.
Gapu iti saan a nagkinaawatan dagitoy nagisawang ti lalaki iti saan nga umno kontra iti babae ken saan pay daytoy a napnek ket indurudurunna ti babae iti namin-adu a daras.
Nagsagrap met ti babae iti slight abrasion iti makin-kanawan a mugingna, rason tapnu agpaarayat ti biktima kadagiti pulis babaen iti tawag.
Nagresponde met a dagus dagiti pulis ngem saan dagitoy a naabutan ti suspek gapu ta timmaray daytoy iti saan a nabigbig a disso.//via Bombo Noveh Organo
