Dinismiss ti National Police Commission ti vlogger a pulis a nangbabbalaw kenni President Ferdinand Marcos Jr. kalpasan ti panakaarestar ni sigud a President Rodrigo Duterte.
Maibasar iti statement ti National Police Commission, unanimously a nabutosan ti panakadismiss ni resigned Patrolman Francis Steve Fontillas iti police service a mangipaspasimudaag a saan daytoy a makasubli iti serbisyo.
Guilty ni Fontillas iti grave misconduct ken disloyalty iti gobyerno.
Impetteng ti Police commission nga immunan a nakasoan ni Fontillas sakbay daytoy a nagresign iti trabaho rason nga adda jurisdictioda kenkuana.
Gapu iti dayta, iti laksid a naglusolus daytoy iti trabaho ket agbalin ladta daytoy nga accountable kadagiti inaramidna.
Maipalagip nga iti social media ket impeksa ni Fontillas a saanna a tungpalen ti bilin ti presidente kasta met a kalpasan ti administrasyonna ket mabalin nga arestarenna met daytoy.
Kabayatanna, agpalpalagip ti National Police Commission kadagiti amin a policeman a saanda a makipaspaset iti anyaman a political activity.
