Impakaamo ti Bureau of Fire Protection (BFP) ken ti Department of Interior ken Local Government (DILG) a tultulonganda ti Commission on Elections (Comelec) para iti pannakaisayangkat ti National and Local Elections (NLE) inton Lunes, Mayo 12, 2025.
Sigun kenni Bureau of Fire Protection spokesperson Fire Senior Superintendent Annalee Carbajal-Atienza, naipangato ti red alert status iti intero a pagilian nangrugi idi Biernes, Mayo 9, 2025 agingga inton Martes, Mayo 13, 2025 wenno maysa nga aldaw kalpasan ti eleksion.
Sinukimat ti BFP ti agarup 22,946 a polling precincts bayat a 5,571 ti agtultuloy paylaeng a maipoproseso dagiti compliance requirements.
Naka-deploy metten iti agarup 32,000 a BFP personnel iti intero a pagilian nga ag-standby kadagiti polling precincts.
Kinumpirmar pay ti DILG a na-activate ti Presidential Task Force on Media Security (PTFoMS) sipud pay idi Abril 2025, ken kitkitaenna ti panangsalaknib iti media iti tengnga ti panawen ti eleksion.
