Pimmusayen ni José Mujica, ti sigud a presidente iti Uruguay ken maibilbilang a kakurapayan a presidente iti sangalubungan.
Pimmusay ni Mujica iti edadna nga 89.
Ti ipupusay daytoy ket inwaragawag ti agdama a presidente a ni Yamandú Orsi.
Naibilang ni Mujica kas kakurapayan a presidente gapu iti simple a panagbiag daytoy.
Nagtakem daytoy kas presidente iti Uruguay manipod 2010 agingga 2015 nu sadino, bayat iti administrasyon daytoy ket nagbalin a ligal ti recreational a panakaaramat iti Marijuana.
Kagiddan met iti panangipakaammo ti agdama a presidente iti ipupusay ni Mujica, inaklonna a nalabes a naladingitanda iti nasao a padamag.
Iti agdama, awan pay ti naibinglay nga impormasyon seknan iti gapuanan iti ipupusay iti sigud a presidente ngem immunan a naipadamag a nagsagrap daytoy iti oesophageal cancer.
