Inlaksid ti Sandiganbayan ti kiddaw ti maysa kadagiti kadua ni ex-lawmaker Zaldy Co nga akusado iti flood control scam.
Kiniddaw ni Juliet Calvo, sigud nga opisyal ti Department of Public Works and Highways (DPWH) a mapalubusan daytoy a maisidong iti house arrest kalpasan a nastroke.
Sigun iti report, marigatan ni Calvo nga aggaraw ken agsao kalpasan ti insidente.
Gapu iti dayta, kidkiddawen ti kampo daytoy a maipasidong iti house arrest.
Nupay kasta, pinatgan laeng ti anti-graft court nga agtalinaed ni Calvo iti Philippine Heart Center iti las-ud ti 30 nga aldaw.
Kalpasan daytoy, maiyakar iti Quezon City Jail Female Dormitory.
Sumangsango ti sigud nga opisial ti DPWH iti kaso a malversation mainaig iti naanomalyaan a flood control project sadiay Oriental Mindoro.
