Nagballaag ti kampo ni sigud a House Speaker Martin Romualdez a posible a mapilitan ni sigud a Department of Public Works and Highways (DPWH) Secretary Manuel Bonoan nga iraman ti mammanday-linteg iti imbestigasion ti Office of the Ombudsman iti maatap a flood control scam.
Sigun iti pannakangiwat ni Romualdez a ni Atty. Ade Fajardo, awan ti ebidensiya a mangpaneknek nga adda ti pakainaigan ti sigud a House speaker iti nasao nga isyu.
Innayon ni Farjardo nga agtaltalinaed laeng daytoy nga alegasion kontra kenni Romualdez.
Sigu pay kenni Fajardo, makapadanag dagiti report maipapan a mabalin nga agtestigo ni Bonoan kontra kenni Romualdez, nangruna ket nasurok a makatawen ti napalabas manipud idi rimsua ti isyu ngem saan pay a nagsasao daytoy kontra iti sigud nga Speaker.
Kabayatanna, kinuna ni Farjardo a posible a dakkel ti pressure a sangsangwen ni Bonoan gaputa agdama nga adda iti hospital arrest ken mabalin a mayakar iti regular a pagbaludan apaman a palubusan dagiti doktor.
