Impakaamo ti Philippine National Police a natrace ti P11.48 million manipud iti P200 million a ransom money a naibayad para kenni business tycoon Anson Que.
Iti naangay a press briefing, kinuna ni Philippine National Police spokesperson Brigadier General Jean Fajardo a ti natrack a kwarta iti cryptocurrency accounts ket na-freeze.
Ti nasao a kwarta ket mapapati a dimmalan iti dua a casino junket operators sakbay a naiturong iti cryptocurrency accounts.
Innayon ni Fajardo a dagiti accounts ket adda iti ruar ti pagilian a Pilipinas ngem nabaelan ti Philippine National Police Anti-Cybercime Group a matrack dagitoy no sadino nagsuratda iti foreign cryptocurrency issuer para iti panakafreeze dagiti accounts.
Iti agdama, agtultuloy ti panagregget ti Police Anti-Cybercime Group ken ti Philippine National Police Criminal Investigation and Detection Group para iti panakarekober dagiti nabatbati a ransom money.
Maipalaip a ni Que ken ti drayber daytoy a ni Armanie Pabillo ket naudi a nakita a sibibiyag idi Marso 29, 2025.
Nagkiddaw dagiti kidnappers da Que ken Pabillo iti ransom money rason a nangipaay ti pamilya daytoy iti agarup P200 million babaen iti nagduduma a tranches.
Nupay kasta, nasarakan ti bagi dagitoy a naka-underwear, dara-dara ti uloda, nakakarga iti nylon bag, natalian iti nylon ken ti rupa dagitoy ket naka-duct tape sadiay Rodriguez, Rizal idi Abril 9, 2025.
