Umad-adu paylaeng ti kaso ti COVID-19 iti Pilipinas, sigun ti Department of Health idi kalman, kalpasan ti report a ngimmato ti impeksion iti dadduma a paset ti Asia.
Sigun iti report ti media, immadu ti kaso ti COVID-19 sadiay Singapore, Thailand, ken Hong Kong.
Nupay kasta, kinuna ti Department of Health nga awan ti rason tapno maalarma dagiti tattao.
Maibasar iti datos sipud pay idi May 3, 2025, nairekord ti nasao nga ahensia ti bilang ti kaso ti COVID-19 ken ti pimmusay nga indibidual iti Pilipinas a bimmaba iti 78% manipod idi 2024.
Dumanon laeng iti 1,774 a kaso ti COVID-19 ti nairekord iti pagilian iti agdama a tawen, bimmaba manipod iti 14,074 a kaso a nairekord idi tawen 2024.
Kabayatanna, sigun iti Philippine Society for Microbiology and Infectious Diseases, Inc., awan ti naobserbaranda a panagngato ti COVID-19 consultations wenno admissions kadagiti hospital infection control departments.
