Ammo yo kadi kaBombo a nainget a maipawpawil ti panagaramat iti high-heels iti maysa a siudad sadiay California no awanan ka iti official permit?
No iti Pilipinas nawaya ka nga agaramat iti nagkakangato a high heels ngem iti siudad ti Carmel-by-the-Sea sadiay California ket nainget a maipawil no awan ti official permit a maipakitam kadagiti guard sadiay.
Saan laeng a dayta kaBombo agsipud ta limitado pay ti panagkaan iti ice cream tapno maliklikan dagiti matnag a mangitunda ti napigket a dalan.
Limmatak ti nasao a siudad gapu iti naidumduma a pamay-an dagitoy agsipud ta maibilang nga illegal ti panagaramat iti high heels kadagiti pampubliko a lugar no awanan ka iti nasao a permit.
Nabayag metlaeng a legal a linteg daytoy no sadino naisubmitir pay idi 1963.
Ti nasao a linteg ket naaprobaran tapno maprebentaran dagiti umili ken dagiti turista sadiay nangruna ket kakaykaywan ti nasao a lugar ken adu dagiti ramot dagiti kayo a naiharang kadagiti kalkalsada.
Nagbalin metten a tradisyon daytoy sadiay no sadino daytoy ti rason nga adu dagiti agturturong a turista iti nasao a lugar.
