Impetteng ni Engr. Bonifacio Dela Peña-City Administrator iti siudad ti Baguio a possible a saan a makumpleto wenno maileppas ti market development iti siudad ti Baguio bayat ti termino ni Mayor Benjamin Magalong.
Iti pannakiuman ti Bombo Radyo kenkuana, kinunana daytoy gaputa adu paylaeng ti kasapulan a maileppas no sadino saan pay nga inaprobaran daytoy ti City Development Council.
Sigun kenkuana no maaprobaran daytoy iti City Development Council ket maisumitir iti City Council para iti pannakaaprobar daytoy.
Kinunana nga iti kanito a maaprobaran ket maangay ti bidding ken dadduma pay.
Malaksid iti dayta, marelocate pay dagiti vendors iti nasao a palengke iti uneg ti dua a tawen sadiay Slaughter house bayat a dua a tawen ti makitkita a pannakatarimaan ti baro a palengke.
Nupay kasta, innayon ni Dela Peña no saan a maileppas daytoy bayat ti termino ti mayor ti napateg ket marugyan ti nasao a proyekto.
