BAGUIO CITY – Impeksa ni Fernando Miller Jr., taxi driver ti nagviral a Montero Taxi a panggepna ti maaddaan iti nasao a design ti taxi ken tapno mapadas met ti sabali a variant.
Iti panakairuar ti naisangsangayan a kita ti taxi, ado a pasahero ti naayatan ken mangpangpanggep a mangipadas nangruna idi naipablaak daytoy iti social media no sadino makaaw-awat daytoy iti nagduduma a reaksyon.
Mangipakpakita met daytoy iti panagbalin a creative dagiti taxi drivers iti siudad.
Iti panakiuman ti Bombo Radyo kenni Miller Jr., impakaamona a ti nagbalin nga umuna a pasaherona ket ti naglugan sadiay New Town plaza ken dita met a naalaan daytoy iti ladawan ken kalpasanna ket nagviral.
Sigun kenni Miller Jr., ado dagiti ag-alanganen nga agpara ken masdaaw dagiti daduma no ti nasao a kita ti taxi ket mabalin nga agpasada.
Ngem, inlawlawag ni Miller Jr. nga impalubos ti Land Transportation Office a mabalin nga agbalin kas taxi ti Montero.
Inlawlawag met ni Engr. Elmer Jr. N. Mendoza, Transportation Development Officer 2 ti Department of Transportation Cordillera, a ti kinaawan dagiti daan a units ti lugan a kadawyan a maar-aramat kas taxi a kas iti kas iti Isuzu adventure ken innova ti agbalbalin a rason no apay a gumatgatang dagiti taxi drivers ken operators iti baro a unit ti lugan dagitoy.
Kabayatanna, innayon ni Miller Jr. a ti Montero ket mas komportable no idilig kadagiti daduma a yunit.
Addaan met daytoy iti censor ken backing camera.
