Naitabonen itay laeng agsapa dagiti sumagmamano a bangkay a karaman kadagiti agarup 279 a pimmusay iti pannakatnag ti eroplano nga Air India.
Daytoy ket tinabunuan dagiti agladladingit a pamiliada.
Sigun kadagiti otoridad, rinugianda nga ipaay dagiti umuna a bangkay a nailasin babaen ti DNA testing a naikabil kadagiti puraw a lungon iti makindaya a siudad ti Ahmedabad.
Maipalagip a maysa laeng ti “survivor” manipod iti 242 a pasahero ken crew a naglugan iti Air India jet idi natnag daytoy idi Huwebes iti maysa a residential area idiay Ahmedabad, a nakatayan ti agarup tallo pulo ket walo nga indibidual nga adda iti lugar a nakatnagan ti eroplano.
Kaaduan kadagiti nadangran iti nakatnagan ti eroplano ket nakaruaren iti ospital ngem maysa wenno dua ti agtaltalinaed paylaeng iti critical care, sigun kadagiti otoridad.
