Nasarakan ti Israel Defense Forces (IDF) ti bangkay ti tallo a nakautibo dagiti Hamas idiay Gaza.
Karaman kadagitoy ti maysa a sundalo ken dua a sibilian a kinidnap dagiti Hamas idi paylaeng Oktubre 7, 2023.
Nabigbig dagiti bangkay a da Ofra Keidar,Yonatan Samerano ken ti suldado a ni Shay Levinson.
Ni Keidar nga agtawen ti 21 ket agnanaed idiay kibbutz Be’eri community idi pinapatay daytoy dagiti Hamas ken naiturong ti bangkay idiay Gaza kadua ti asawana a napapatay metlaeng, bayat a ti 21-anyos a ni Semerano ket maysa a talentado a DJ a manipod idiay Tel Aviv nu sadinno, pinapatay dagiti Hamas bayat nga agliblibas manipod iti Nova music festival.
Malaksid kadagiti nadakamat a bangkay, nasarakan ti dua a sabali pay a bangkay idiay Gaza a ni Levinson, 19-anyos ken ti dual German-Israel national.
Namnamaen ti Israel a makasapulda pay kadagiti bangkay dagiti nakautibo dagiti Hamas.
Maibasar iti datos dagiti otoridad, dumanonen iti 55,959 a biktima ti pimmusay ken 131,242 ti nailista a nadangran iti panagbinnalubal ti Hamas ken Israel manipod pay idi Oktubre 7, 2023.
