Impalagip ni House of Representatives Secretary General Reginald Velasco kadagiti sumrek a kameng ti 20th Congress nga isubmitirda dagiti “request” para iti travel authority tallo nga aldaw sakbay ti petsa ti panagbiaheda.
Daytoy ket kalpasan nga adda dagiti sumagmamano a mammanday-linteg ti mangkiddaw iti travel authority kadagiti petsa iti mismo a panagbiaheda.
Nagpakaasi ni Velasco kadagitoy gaputa saan laeng nga isuna ti mangpirma kadagiti amin a travel clearances ken travel authorities nu diket karaman ni House Speaker Martin Romualdez.
Kabayatanna, naisayangkat idi laeng kalman ti Executive Course in Legislation babaen ti panagregget ti Kamara iti pannakitinnulongna iti University of the Philippines National College of Public Administration and Governance (NCPAG).
Patien ni Velasco a makatulong kadagiti mammanay-linteg ti nasao nga aktibidad nga agbalinda nga epektibo kas maysa a lider.
