Parikut para kadagiti Barangay officials dagiti motorista a maki ap-apa kadagiti Barangay officials a mangipatpatungpal iti Brgy. Road Clearing Operation.
Iti panakiuman ti Bombo Radyo kenni Alfredo Agmaliw Jr, ti Brgy. Captain ti Brgy. Wangal, La Trinidad, kinunana a kadawyan a mapaspasamak daytoy no pangaldawen agsipudta kaaduan a panganan ket asideg iti kalsada ken iti igid ti kalsada dagitoy nga agparada.
Tunggal kadagitoy a gundaway ket agdamag dagiti motorista no saan nga itulok dagiti brgy. officials dagitoy nga ag-pangaldaw.
Nupay kasta, kinuna ni Agmaliw nga awan met ti naipaay iti linteg wenno Barangay ordinance dagitoy a saanda a mabalin a mangipatungpal iti Brgy. Road Clearing Operation tunggal panagaldaw.
Malaksid iti dayta, maysa a kadawyan a pagparparadaan dagiti motorista ket iti stock farm nu sadino ket pagparadaan dagiti motorista ti agpada nga outerlane rason nga imbes nga uppat a linya farm ket agbalbalin a two lanes.
Kinunana a no maipaayan met dagiti motorista iti traffic citation ticket a nakaparada iti stock farm, ket kuwestiyonaranda met dagiti brgy. officials agsipudta ikalintegan dagitoy a nabayagdan nga agparparada sadiay stock farm.
Malaksid iti dayta, adda metlaeng dagiti ipapaayanda iti TCT dagiti agtagikua iti lugan nga agparparada iti sanguanan ti balayda agsipudta paset ti road right of way ti nagparadaan dagitoy.
Naibinglay pay ni kapitan nga arigna a danugenda payen dagiti brgy. officials ken tanod a mangimplimentar iti Brgy. Road Clearing Operation agsipudta saanda nga ammo ti authority dagiti brgy. tanod.
Gapu iti dayta, agkidkiddawda iti tulong manipud kadagiti uniformed personnel agsipudta awan ti maibaga wenno saanen a maki-apa dagiti maipaayan iti ticket nu dagiti pulis ti mangipaay kadakuada iti TCT.
Iti agdama, kinuna ni Agmaliw nga agarup 7 dagiti masitsitarda a bilang dagiti motorista.
Nababbaba no idilig idi napalpalabas nga agarup 50 ti bilang dagiti motorista a ma-ap-aprehendda bayat ti umuna a panangimplementarda iti daytoy nangruna iti stock farm.
Kabayatanna, agkidkiddaw ni Agmaliw iti pasensya kadagiti motorista ken binalakadanna dagitoy nga anusanda nga agbirok kadagiti allowable a pagparadaan dagitoy.
Innayonna nga adda met dagiti indiaya ti probinsya ti Benguet a mabalin a pagparadaan dagiti motorista agsipudta adda met sadiay uneg ti sports complex ti mabalinda a pagparadaanda.
