Imbilin ti Las Piñas City Regional Trial Court ti pannaka-archive ti murder case kontra iti sigud a Bureau of Corrections (BuCor) director Gerald Bantag agingga a masarakan daytoy dagiti otoridad.
Nairuar ti pammilin kalpasan a nagkedked ti pamilia ni daydi sigud a deputy security officer Ricardo Zulueta a mangipalubos iti DNA testing iti bangkayna tapno makompirmar daytoy.
Maipalagip a pimmusay ti co-accused ni Bantag a ni Zulueta gapu iti cerebrovascular disease ken intracranial hemorrhage idi napalabas a tawen.
Iti sidong ti Revised Penal Code, iti kanito a pimmusay ti akusado, maibasura ti kaso kontra kenkuana.
Nupay kasta, agtaltalinaed nga akusado ni Zulueta iti baet a pimmusay daytoy.
Kabayatanna, kinuna ti korte a maluktan manen ti kaso kontra kenni Bantag iti kanito a rummuar ken sumuko kadagiti otoridad.
Maipalagip a na-tagged ni Batag a mastermind iti pannakapapatay daydi broadcaster Percival “Percy Lapid” Mabasa no sadino, maipaay ti P2 Million iti siasino man makaitudo iti lokasion daytoy.
