--Ads--

Balligi a dinepensaan ni Joshua ” The Passion” Pacio ti ONE Strawweignt World Championship belt daytoy kalpasan nga inabakna ni Keito Yamakita iti Japan.

Naangay ti laban dagitoy idi kalman idiay Tokyo, Japan.

Nagbalin nga agresibo ti Japanese fighter iti laban dagitoy ngem iti maika-uppat a round, ditoy metten nga inpakat ni Pacio ti panagatake na.

Adda laengen ti nabatbati a 17 segundo iti maikauppat a round iti inpakat ni Pacio ti arm-triangle choke, rason tapno napilitan ti Japanese fighter a sumuko.

Daytoy metten ti maikadua a pangabak ni Pacio babaen iti submission.

Gapu iti daytoy, addaanen daytoy iti 25 a pangabak ken 5 losses.