Nagballaag iti publiko ti Land Transportation Office maipapan iti agwarwaras a deepfake video nu sadino, natulad ti opisyal a logo, footage, ken imahe ti nasao nga opisina tapno agparang a lehitimo.
Iti nasao a deepfake video,natulad ti imahe ken boses ti maysa nga opsiyal iti LTO tapno agparang nga agpayso ken lehitimo ti madakdakamat.
Inlawlawag ti nasao nga opisina nga awan ti pakainaiganda iti naipablaak a video rason a palpalagipanda manen ti publiko a saan a dagus a mamati kadagiti content a maipabpablaak iti social media nangruna dagiti palso ken addaan laeng iti panggep nga allilawen ti publiko.
Inyunay-unay dagitoy nga iti laeng opisyal nga accounts ken channel iti Land Transportation Office ti pakaipabpablaakan dagiti pakaammo, waragawag, ken daduma pay nga impormasyon nga adda pakainaiganna iti nasao nga opisina.
