Imbasura ti Court of Appeals ti petition nga impila ni Cassandra Li Ong a mangwaswas iti resolusion ti Department of Justice (DOJ) a mangidarum kenkuana iti qualified human trafficking seknan iti operasion ti POGO firm a Lucky South 99 sadiay Porac, Pampanga.
Maibasar iti sumagmamano a nilaon ti Petition ni Ong, dinakamatna dagiti maipagarup a panaglabsing iti due process.
Innayonna pay a bias ni Justice Secretary Jesus Crispin Remulla, gapu kadagiti public statements daytoy a mangsuporta iti kaso kontra kenkuana.
Nupay kasta, impetteng ti korte a pinaidaman ni Ong ti DOJ, Prosecutor General Benedicto Malcontento ken Secretary Remulla, iti gundaway a mangrepaso ken posible a mang-rectify iti aniaman a biddut nga inaramid dagiti prosecutors.
Maipalagip a naidarum iti qualified human trafficking idi Abril 2025 ni Ong, agraman ti former former presidential spokesperson Harry Roque ken dadduma pay a respondents.
Malaksid iti dayta, nangipaulog ti Angeles City Regional Trial Court Branch 118 kadagiti arrest warrant kontra kenni Ong ken dagiti kaduana nga akusado idi Mayo.
