--Ads--
Pimmusay ti uppat nga indibidual bayat a mapukpukaw ti 38 ken naka-survive ti dadduma pay iti limned a “ferry” a nagluganan ti 65 nga indibidual iti asideg ti baybay a paset ti Bali, Indonesia, sigun iti Search and Rescue agency ti nasao a pagilian ita nga aldaw.
Limned ti barko a KMP Tunu Pratama Jaya iti dandani kagudua nga oras kalpasan a pimmanaw iti sangladan ti Banyuwangi, East Java a paturong idiay Bali idi Miyerkules.
Naglaon ti barko ti 53 a pasahero ken 12 a crew members, kasta metten ti 22 a lugan, sigun iti nasao nga ahensia.
Iti agdama, agtultuloy latta ti panangsapul kadagiti mapukpukaw nga indibidual.
