Impetteng ti Department of Science and Technology (DOST) a mabalin a madiskubre dagiti tulang dagiti mapukpukaw a sabungeros a mapapati a naibelleng iti Taal Lake.
Daytoy ket kalpasan nga imbutaktak ni Whistleblower Julie “Dondon” Patidongan wenno alias “Totoy” a dagiti bagi dagiti sabungero ket naibelleng iti nasao a lake.
Sigun kenni Science Secretary Renato Solidum, saan a madecompose ti tulang ti tao rason a mabalin pay a marekober daytoy.
Kinunana a no awan ti oxygen ket saanen a madecompose, no sadino mapreserve daytoy depende iti lokasyonna.
Impettengna met a situtulok dagitoy a mangipabulod iti equipment ken technical drivers a tumulong iti pannakabiruk dagiti nasao a sabungeros.
Insuhestiyonna met nga agaramat dagitoy iti camera agsipud ta narisgo ti panagdive nangruna ta saan a nasayaat ti danum sadiay.
