Inispal ti Philippine National Police (PNP) ti one-month-old a maladaga a maatap nga ilalako ti guardianna iti Facebook iti gatad a P90,000.
Insayangkat ti PNP Women and Children Protection Center (WCPC) ti entrapment operation idiay Pasay City idi July 03, 2025.
Sigun kenni National Authority for Child Care (NACC) Undersecretary Janella Ejercito Estrada, ti panaglako iti ubing para iti monetary relief ket maysa nga imoral, iresponsable ken managimbubukodan nga aramid.
Iyunay-unay daytoy a mabalin nga agkiddaw iti suporta manipud iti barangay women’s desk, wenno iti Local Social Welfare and Development Office para kadagiti nagannak a saanda a kabaelan a padakkelen ti ubing.
Kabayatanna, dumanon iti 11 nga ubbing ti naispal ken naaresto ti 16 a perpetrators ita a tawen.
Manipud iti June 16, kinuna ti PNP WCPC a bambantayanda ti 12 a Facebook groups nga aktibo a mangisaysayangkat iti “online baby selling”.
