Linapdan ti maysa a hues ti US ti singasing a pannakaipatungpal ni Presidente Donald Trump iti panagpatingga ti birthright citizenship para iti sumagmamano nga umili ti US.
Inaprobaran ni New Hampshire judge ti class action lawsuit kontra iti executive order ni Trump ken linapdanna ti presidente a maiyemplementar daytoy.
Ti nasao a class action lawsuit ket indauloan ti American Civil Liberties kas pannakabagi dagiti nagannak ti immigrant ken dagiti annakda.
Nakasagana met a kuwestunaren ti White House ti validity ti ruling ti judge.
Epektibo kuma ti panangipawil ni Trump ti birth right citizenship inton Hulyo 27.
Maipalagip a nakalanad iti konstitusyon ti Estados Unidos a garantisado ti US citizen ti amin a maladaga a naipasngay idiay Estados Unidos ngem kayat ni Trump nga ikkaten nangruna dagiti ubbing a dagiti nagannakda ket undocumented immigrants ken ganggannaet.
