Nangisayangkat iti airstrike ti militar iti Estados Unidos kontra iti Iran idi Biernes kas sungbat iti mapapati a panagatake iti Iranian drone iti maysa a cargo ship iti Strait of Hormuz, a nangitunda iti baro a tension ken pangta iti katulagan iti kappia nga itay laeng nabiit ket napagtulagan iti dua a pagilian.
Sigun iti U.S. Central Command, naraut dagiti pagurnongan iti missile ken drone ken dagiti coastal radar site iti Iran.
Kabayatanna, impadamag iti Iranian media nga adda ti timmama a projectile nga asideg iti maysa “dock” iti Sirik.
Nagballaag ti Iran kadagiti pagilian iti Gulf a saan a maki-alyado iti Washington ken impagenetget daytoy iti panangimanehar iti Strait of Hormuz, maysa a napateg a ruta a pagdalyasatan iti dadakkel a paset iti suplay iti lana ken liquefied natural gas iti sangalubongan.
Iti baet iti kumarkaro a tension, nagpinnirma met ti Israel ken Lebanon iti maysa nga inisial a katulagan tapno agpatingga ti giera iti nagbaetan iti Israel ken Hezbollah, numan pay nagkedked ti Hezbollag a makitinnulong iti panangipatungpal iti daytoy.
Kabayatanna, bimmaba iti dandani 3% ti presio iti lana iti world market bayat nga agtaltalinaed a saan a sigurado ti agbalin nga epekto dagiti baro a pasamak iti seguridad iti Strait of Hormuz ken iti international trade.
