Naragsakan ti Malacañang iti panangngato ti rating ni PBBM iti kaudian a resulta ti survey.
Sigun kenni Palace Press Officer Claire Castro , kayatna laeng a sauwen daytoy a makitkita ti panagtrabaho ti Presidente.
Ngem sigun iti Malacañang, saan nga agpaapekto ni President Ferdinand Marcos Jr. iti aniaman a numero la ketdin aramidenna ti pagrebbenganna.
Ti argumento ni Castro ket saan koma nga agpannuray laeng oti maysa kadagiti surbey.
Maibasar iti kaudian a survey a naisayangkat manipud Hunio 27 agingga 30, nagun-od ni PBBM ti 25% nga approval rating iti maikadua a kuarter, 19% a nangatngato ngem iti napalabas a kuarter idinto a bimmaba ti disapproval rating-na iti 47% manipud iti 57%.
Nupay kasta, kinuna ni Castro a nababa man wenno nangato ti rating ti Presidente, agtultuloy ti panagtrabahona.
