Imbilin ni Mountain Province Governor Bonifacio Lacwasan Jr. ti dagus a pannakaipatungpal ti baro nga ordinansa a mangiparit iti panagaramid, panaglako, ken panagiwaras kadagiti machine-made replicas dagiti indigenous woven fabrics ken garments iti uneg ti probinsia.
Sigun kenni Governor Lacwasan Jr., kasapulan a salaknibanna dagiti woven fabric, a saan laeng a pagbiagan ngem paset ti kultura dagiti indigenous a naipatawid manipud kadagiti immuna a kaputotan wenno henerasion.
Ti dakdakamaten ni Governor Lacwasan ket Ordinance No. 573-2025 a nagepektibo idi laeng Hunio.
Panggep ti nasao a wagas a salakniban ti authenticity ken sustainability ti tradisional a panagabel ti Cordillera.
Ti ordinansa ket maiyaplikar kadagiti amin a souvenir shops, garment stores, department stores, and online sellers nga agop-operate idiay Mountain Province.
Patien ti nasao nga opisial a dagiti machine-made imitations ket pangta iti kultura ken genuine woven products a mangpabpababa ti kalidad ken authenticity dagitoy.
Gapu iti dayta, imparita ti nasao nga ordinansa ti panangiwaras ken panangilako kadagiti machine-made copies dagitoy.
Dagiti negosiante a matakuatan nga aglabsing ket mamulta, pakairamanan ti pannakakanselar ti permit-da ken pannakakumpiskar dagiti machine-made woven items.
