Kidkidawen ti sumagmamano nga indibidual ti napartak a pannakaileppas ti rangtay a maar-aramid idiay Irisan, Baguio City gaputa agingga iti agdama ket saan pay a nakagudua a naaramid ti proyekto.
Iti pannakaiuman ti Bombo Radyo kadagiti sumagmamano a residente iti nasao a lugar, kinunanada a napitak ti pagpagnaanda idi damo nangruna iti diversion road a naaramid, ngem naisimpa daytoy iti agdama.
Nupay kasta, aklonen dagiti dadduma a taktak daytoy kadakuada.
Iti met pannakiuman ti Bombo Radyo iti maysa a kontraktor, kinunana nga idi bulan ti Pebrero a nirugianda ti panagtrabaho ngem gapu iti agtultuloy a panagtudtudona, nataktak ti panagtrabaho dagitoy nangruna ta mangap-apektar ti danum iti karayan.
Kinunana a nadadael ti immuna a diversion road nga inaramidda gaputa na-wash out gapuanan tapno agaramid manen dagitoy iti baro a pagnaan, a nangitunda met ti pannakataktak dagiti dadduma.
Kinuna pay ti kontraktor a pasaray daldalusanda dagiti rugit a naurnong ken naisalat sakbayda a rugian nga agtrabaho manen.
Kinuna met ti maysa a residente idiay Irisan, Baguio City a manipod iti narugian ti proyekto, ngimmato ti lebel ti danum a mangituntunda ti panaglayos kadagiti sumagmamano a balay.
Gapu iti dayta, kidkiddawen ti Department of Public Works and Highways-Baguio City District ti pannakaawat ti publiko.
Iti pannakiuman ti Bombo Radyo kenni Cesario Rillera, Chief Planning and Design Section ti Department of Public Works and Highways a ti kangrunaan a mangitantantan ti proyekto ket gapu iti panagtudtudona.//Bombo Noveh Organo
