Nagballaag ti Philippine Embassy sadiay Cambodia kadagiti Pilipino nga asideg sadiay Cambodia ken Thailand a liklikanda dagiti narisgo a lugar sadiay kagiddan ti bumarbara a tension dagiti dua a pagilian.
Imbalakad metlaeng ti nasao nga embahada nga imonitor dagitoy dagiti kauddian a damdamag seknan iti seguridad dagitoy.
Inyunay-unayda metlaeng a surutenda dagiti advisories manipud kadagiti national ken local agencies tapno maliklikan ti saan a nasayaat nga insidente.
Maidagdagadag metlaeng kadagitoy nga ireportda a dagus ti sitwasyon dagitoy kadagiti embahada sadiay.
Innayon pay ti Philippine Embassy sadiay Cambodia a nakasagana dagitoy a mangipaay iti tulong kadagiti Pilipino bayat nga agtultuloy ti monitoring dagitoy iti nagbeddengan dagiti dua a pagilian.
