--Ads--
Dumanunen iti 32 nga indbidual ti pimmusay manipud nagrugi ti giera iti nagbaetan ti Thailand ken Cambodia.
Sigun iti health ministry ti Thailand, 19 dagiti nailista a pimmusay iti pagilian dagitoy.
Sigun met iti defense ministry ti Cambodia, lima a soldado ken walo a sibilian ti pimmusay kadakuada.
Maipalagip a nagsasaruno ti panagatake dagiti nagsinnumbangir a pwersa ti dua a nasao a pagilian idi paylaeng Huebes, July, 24.
Gapu iti dayta, naglemmeng dagiti sumagmamao a residente sadiay Thailand iti natalged a lugar.
Nagserra metlaeng dagiti paglakuan, ken awanen ti tao kasta met dagiti lugan iti Surin province sadiay.
Kabayatanna, imet dagiti dadduma a residente sadiay Cambodia dagiti sanikuada tapno agbakwit dagitoy.
