Posible a saan a maituloy ti formal signing ceremony iti singasing a maitantan ti Barangay ken SK Elections iti agdama a tawen.
Daytoy ket kalpasan a nakaawat ti impormasion ti Commission on Elections a saan a maituloy ti panagpirma ti Malacañang inton August 12.
Kayatna a sawen, otomatiko nga ag-lapse into law wenno agbalin a linteg ti singasing a maiyakar inton Nobiembre iti sumaruno a tawen ti BSKE 2025 iti kanito a saan a pirmaan ni PBBM.
Impasigurado met ti poll body a maituloy latta ti panagsaganada para iti eleksion.
Kabayatanna, dumanon iti nasurok maysa a milion ti bilang dagiti nagparehistro para iti BSKE.
Agtultultoy met ti panangguyugoy ti COMELEC a gundawayan ti voter registration iti nagduduma a lugar iti pagilian agingga August 10, 2025.
