Naaprobaranen iti umuna a pannakaibasana ti singasing nga ordinansa a maiparit ti agtalinaed kadagiti publiko a lugar bayat ti pannakasuspindir ti klase gapu iti bagyo, panaglayos wenno dadduma pay a natural a didigra tapno masigurado ti kinatalged ken maliklikan ti “exposure” dagiti indibidual iti peggad.
Daytoy ket insurat ni Baguio City Betty Lourdes Tabanda.
Maibasar iti ordinansa, apaman a maideklara ti class suspension, mangrugi a dagus ti curfew para kadagiti menor de edad nga awan pay ti 16 ti tawenda ken agpaut agingga a mangrugi ti regular curfew, wenno agtultuloy iti sumaruno nga aldaw no mapaatiddog ti pannakasuspindir ti klase.
Bayat ti curfew, dagiti menor de edad nga agpaspasiar wenno agwalangwalang kadagiti publiko a lugar nga awanan ti balido a rason wenno panangimaton dagiti nataengan ket matiliw.
Daytoy ket ipatungpal ti pannakabagi ti linteg iti siudad, Social Welfare and Development Office (CSWDO), Order and Safety Division (POSD), barangay officials,ken otorisado a personnel.
Dagiti matiliwan a menor de edad ket maipasidong iti intervention.
Kabayatanna, dagiti a mangipalubos kadagiti awan kaduana a menor de edad bayat ti curfew ket sumango iti pannusa.
Naiturong metten ti nasao nga ordinansa iti Committee on Laws and Governance para iti review.
