Maitantan ti Barangay and Sangguniang Kabataan Election ita a tawen kalpasan a pinirmaan ni President Ferdinand Marcos Jr. ti singasing a mailaylayun ti termino dagiti Barangay and Sangunaing Kabataan (SK) officials iti uppat a tawen.
Gapu iti dayta, maiyakar inton November 2026 ti eleksion a naituding koma inton December ita a tawen.
Pinirmaan ni President Marcos Jr. ti Republic Act No. 12232 idi August 13, 2025 a mangbaliw iti agdama a 3 – year term dagiti barangay officials iti 4 – year term.
Malaksid iti dayta, malimitaran iti three consecutive terms dagiti barangay officials iti maysa a position bayat a malimitaran dagiti SK officials iti maysa a termino.
Iti nasao a linteg, maangay ti sumaruno a barangay and SK elections intun November 2, 2026.
Gapu iti dayta, agtugaw dagiti mabotosan iti umuna nga aldaw ti December 2026.
Maipalagip nga immuna a kinuna ni President Marcos Jr. a pirmaanna ti pannakaitantan ti 2025 BSKE, gaputa kasapulan a maipangpangruna ti kaunaan a Bangsamoro Parliament elections intun October 2025.
Inlawlawag ti Presidente a nu maisayangkat ti BSKE intun Desiembre ita a tawen ket madagsenan unay ti COMELEC.
