Imbilin ti opisina ni Senator Robin Padilla kenni actress Nadia Montenegro, ti miembro ti staff daytoy nga agleave paylaeng iti trabaho kasaruno ti kontrobersya a maatap a panagaramatna iti marijuana iti uneg ti senado.
Kinumpirmar daytoy ti chief of staff ni Senator Padilla a ni Atty. Rudolf Philip Jurado.
Sigun kenkuana, nag-epektibo ti leave of absence ti actress idi paylaeng August 13, 2025.
Pinaglibakanna met dagiti alegasyon a naglosulos ti actress iti takemna agsipud ta nag-leave laeng daytoy.
Immunan met a pinalibakan ti actress ti panagsigarilyo ken panagaramat iti marijuana iti uneg ti ladies room ngem inaklonna a nagaramat daytoy iti vape.
Naipaayan met daytoy iti lima nga aldaw tapno mangisumitir iti written explanation seknan iti nasao nga isyu.
