--Ads--
Simmangpeten iti pagilian dagiti 39 a Pilipino a nabiktima iti human trafficking sadiay Lagos, Nigeria.
Sigun iti Department of Migrant Workers (DMW), pinasangbay daytoy ni Secretary Hans Leo Cacdac iti Ninoy Aquino International Airport Terminal 3.
Impasigurado ni Cacdac a tulunganda dagiti distressed overseas Filipino workers, maitunos iti pammilin ni President Ferdinand Marcos Jr.
Sumagmamano kadagiti tulong a maipaay kadagitoy ti financial assistance babaen iti DMW AKSYON fund ken ti temporaryo a pagianan ken paglugananda a pasubli iti nagtaudanda a probinsia.
Kabayatanna, nagballaag ti DMW kadagiti Pilipino nga agannad kadagiti mangidiaydiaya ti trabaho para kadagiti dadduma a pagilian.
