Inaklun ni sigud a Department of Public Works and Highways (DPWH) chief Rogelio Singson a nakaawat iti feelers manipud iti Malacañang no sadino, naidiaya kenkuana nga agsubli kas sekretario ti nasao nga ahensia.
Nupay kasta, saanna nga inawat daytoy para iti pamilia, personal ken siguridad.
Maipalagip a nagserbi ni Singson kas dadaulo ti DPWH manipud Hulio 2010 agingga iti Hunio 2016 babaen ti administrasion daydi pimmusay a ni Benigno Simeon “Noynoy” Aquino III.
Immuna met a kinuna ni incumbent DPWH Secretary Manuel Bonoan nga adda ken ni President Ferdinand “Bongbong” Marcos Jr. ti pangeddeng no kasapulan nga ag-leave daytoy kabayatan ti imbestigasion iti maatap a korapsion iti flood control projects.
Kabayatanna, kinuna met ni Senator Sherwin Gatchalian a boluntario nga ag-leave ni Bonaon kas Chief ti DPWH para iti delicadeza.
