Nakasagana ti Office of the Vice President a mangidepensar iti proposed budget daytoy para iti 2026 iti sangwanan iti Kongreso.
Kinumpirmar daytoy ni OVP spokesperson Atty. Ruth Castelo nu sadino, sigun kenkuana ket inaprubaranen iti Department of Budget and Management (DBM) ti ₱902.8 million budget request iti 2026, nangatngato ngem iti budget iti agdama a tawen.
Sigun kenni Atty. Castelo, ti agarop 21% a ngimmatwan daytoy ket maaramat tapno suportaran dagiti nagduduma a napapateg a programa.
Mangnamnama tiopisyal nga apaman nga irekomendar ti DBM daytoy iti Kongreso ket saanen a maksayan.
Manamnama a maangay ti panagdengngeg iti daytoy iti Kamara inton September 12 ken iti Senado inton September 15 tapno makita ti fund utilization, program overlap, ken panakasiguro ti transparency.
Maipalagip a ti Office of the Vice President ket maim-imbestigaran agingga iti agdama seknan iti nakaaramatan ti confidential funds idi 2022.
