Inwaragawag ni President Ferdinand Marcos Jr. nga awanen ti pondo a mailatang para kadagiti flood control projects inton 2026.
Daytoy ket kagiddan ti panakaadal iti proposed budget iti Department of Public Works and Highways(DPWH) para inton umay a tawen.
Nupay kasta, inlawlawagna nga agtultuloy latta ti panakaiyimplimintar dagiti nabatbati pay a flood control projects iti agdama a tawen a napondoan iti ₱350 billion.
Innayonna a ti saanda a panangipaay iti pondo para iti flood control projects inton umay a tawen ket saan kayat a saw-en a maisardeng met dagitoy nu di ket tapno laeng masigurado nga umno ti panakagastos dagiti pondo, ken nasayaat ti panakaiyimplimintar dagiti proyekto.
Kagiddan dayta, kinuna ti presidente nga interesado daytoy a makikatungtong kadagiti kontraktor a leppasen ken sayaatenda dagiti iggemda a proyekto ken dagitoy metlaeng ti manggastos saan a ti gobyerno.
