Nakasagana da Senator Jinggoy Estrada ken Senator Joel Villanueva a lukatan dagiti bank accountsda ken sumango iti imbestigasyon kalpasan a karaman a dinakamat ni dismissed district engineer Brice Hernandez dagitoy kadagiti adda pakainaiganna iti naanomalyaan a flood control projects idiay Bulacan.
Sigun kenni Estrada, nakasagana daytoy a mangpirma iti anyaman a waiver tapno mailukat ti bank accountna.
Inladawan ni Estrada a maysa nga habitual liar ni Hernandez nu sadino, kinunana a ti testimoya daytoy ket nakaapektaren iti Senado kas maysa nga institusyon.
Kagiddan dayta, kwinestyunaran ni Estrada ti inladawanna a panakaipaay iti “so much importance or credence” ken ni Hernandez a sigun kenkuana ket ulbod ken kangrunaan a suspek iti korapsyon kadagiti flood control projects.
Dinakamatna pay ti “double standard” kadagiti testimonya ni Hernandez ken dagiti agassawa a Curlee ken Sarah Discaya.
Patienna a kalpasan ti testimoya dagiti Discaya ket saanen unay a napagtutungtungan dagiti nairaman a manmanday linteg idin tu nga idi dagitoy ti nainaganan ket nagbalinda a front page.
Atapenna a gapu ta aktibo a makiparpartispar daytoy iti Blue Ribbon Committee ken natured a mangibato iti saludsod ket daytoyen ti mapunpuntirya.
Maipalagip nga iti testimonya dagiti Discaya, nadakamat ti nagan dagiti manmanday-linteg pakairamanan ni House Speaker Martin Romualdez ken sigud nga House Appropriations Committee chair Elizaldy Co nga adda pakainaiganna kadagiti naanomalyaan a flood control projects, bayat nga iti met testimonya ni Hernandez,nadakamat da Estrada ken Villanueva iti nasao nga anomalya.
