Inlawlawag iti Palasyo Malacañang nga awan iti pangta iti seguridad ni President Ferdinand Marcos Jr. kasaruno ti panagbabawina nga umatendar iti United Nations General Assembly (UNGA) idiay New York a naituding a maangay inton September 23 agingga 27.
Sigun kenni Palace Press Officer Undersecretary Atty. Claire Castro, awan ti naawat ti presidente a direkta a pangta iti seguridadna malaksid laeng iti impangta idi ni Vice President Sara Duterte.
Nupay kasta, impanamnama daytoy a saanda nga agpakampante seknan iti panansiguradoda iti kinatalged ti presidente.
Maipalagip a nagbabawi President Marcos Jr. nga umatendar iti nasao nga high-level general debate kadwa koma ti asawana a ni First Lady Liza Araneta-Marcos.
Maysa kadagiti nadakamat a rason iti daytoy ti pnagpokus ti presidente kadagiti lokal a pakaseknan wenno problema a sangsangwen iti Pilipinas iti agdama.
Gapu iti dayta,ti Department of Foreign Affairs (DFA) ti nadutukan nga umatendar iti 2025 United Nations General Assembly (UNGA).
