Impannakel ti Baguio City Football Club ti 9U team kalpasan a nagkampeon da iti kaleppas a Eurocar Cup 2025 a naisayangkat idiay Palms Arena, Circulo Verde, Quezon City.
Ti nasao a torneo ket babaen iti Golazo Futbol Philippines nu sadino, pinasetan daytoy dagiti nagduduma a bunggoy iti intero a pagilyan.
Ti BCFC ket indauloan ni Jerry Soriano a nabigbig kas Best Coach.
Malaksid iti championship trophy, nakaiyawid pay dagiti players ti sumagmamano a pammabigbig a kas kada Vance Galawen a napanaganan kas Most Valuable Player, Cloud Balao-en kas Best Defender ken Zichri Sabongui a nabigbig kas Best Goal Keeper.
Dagiti atleta a mangbukbukel iti 9U roster ket nagtaud manipud iti Pinget Elementary School, Bonifacio Elementary School ken Berkeley School Baguio.
Buklen ti nasao a bunggoy dagiti player a kas kada Cloud Zeiv Balao-en, Freddy Jr. Bangayan, Chris Jericho Boadilla, Anthony Bean Carlos, Yzac Ryler Erker, Rhione Ekid, Vance Gibson Gallawen, Lyle Zichri Sobangui ken Mory Mitchel Tapp.
Karaman iti coaching staff ni coach Soriano da assistant coaches Dexter Pros ken Lily Sumebang.
