Agtultuloy ti ipatpatungpal dagiti otoridad a search and rescue operation para iti pannakabirok ti agtawen iti lima a lalaki, kalpasan a nalmes ken naiyanud sadiay Pasil river idi September 30, 2025.
Iti inisyal a report dagiti otoridad, nagturung ti biktima iti Pasil river kaduana dagiti gagayyemna iti pasado alas nuebe ti agsapa.
Nupay kasta, naiyanod ti biktima gapu iti napigsa a pigges ti danum ken saan pay a nasarakan ti ubing, agingga iti pannakaisurat daytoy.
Dagus met a nagresponde dagiti kameng ti Municipal Disaster Risk Reduction and Management Council (DMRRMC), Municipal Health Office (MHO) sadiay Pasil, Kalinga.
Nagkiddaw pay dagitoy iti tulong manipud iti Provincial Disaster Risk Reduction and Management Office (PDRRMO), Tabuk City Disaster Risk Reduction and Management Office, BFP Pasil, BFP OPFM, BFP Tabuk City, PNP Pasil ken volunteers manipud iti BFP, NCR ken dadduma pay.//
