Imbutaktak ti Malacañang a saan a kayat ni Pangulong Ferdinand Marcos Jr. nga aglusulos ni Baguio City Mayor Benjamin Magalong kas special adviser iti Independent Commission for Infrastructure (ICI).
Sigun kenni Palace press officer Claire Castro, imbilin ti Presidente ti pannaka-review ti pannakadutok ni Magalong iti ICI.
Innayon pay ni Castro a ti direktiba ket saan a tapno ikkaten ni Magalong nu diket sungbatan wenno risuten ti isyu iti panagbalin nga alkalde daytoy ken ti pangtrabahona iti ICI.
Kayat pay ti Presidente nga agserbi ni Magalong kas special adviser ken investigator ti ICI gaputa saan a naglusulos ni Magalong kas mayor ket nagserbi laeng daytoy iti special adviser.
Kayat metlaeng ti President a maipasigurado nga awan ti panaglabsing iti pannakadutok ni Magalong gaputa isuna ket agserserbi metlaeng kas alkalde metlaeng.
