--Ads--
Pimmusay ti agarup 15 nga indibidual kalpasan a nagaburan ti nagluganan dagitoy a bus sadiay Northern India idi October 07, 2025.
Sigun kadagiti lokal nga otoridad, manarimaan ti panagdalyasat ti bus iti Bilaspur district idi napasamak ti panagregaay ti daga a nanggabor iti nasao a bus.
Addan daytoy iti agarup 20 agingga 25 a pasahero.
Dagiti 15 a pimmusay ket pakairamanan ti 9 a lallaki, 4 a babbae ken 2 nga ubbing.
Kabayatanna, balligi a naispal ti 3 nga ubbing bayat nga agtultuloy a maipatpatumpal ti search and rescue operations para iti pannakasapol dagiti mapukpukaw a biktima.
Sigun kadagiti otoridad, napasamak ti panagreggaay gapu iti agtul-tuloy a panagtudo sadiay sipud paylaeng idi October 06, 2025.
