Impakaammo ti Philippine National Police (PNP) a nabigbigen ti maatap nga indibidual iti likudan ti palso ken malisyoso a social media post kontra kenni President Ferdinand “Bongbong” Marcos Jr.
Sigun kenni Philippine National Police spokesperson Police Brigadier General Randulf Tuaño balligi a naduktalan ti Criminal Investigation and Detection Group (CIDG) ken ti Anti-Cybercrime Group (ACG) ti pakabigbigan ti nasao nga indibidual iti nasao a pablaak.
Kinunana a natake-down metten ti nasao a pablaak.
Impettengna metlaeng a maisagsaganan ti subpoena tapno mapaayaban ken maipaayan iti gundaway nga ilawlawag ti inaramidna.
Nagkedked daytoy a nangipakaammo iti naganna ngem nabigbig ti nasao nga indibidual a babae manipud Mindanao.
Maipalagip nga ica-claim ti nasao a pablaak nga indagadag ni PNP chief Police Lieutenant General Jose Melencio Jr. kadagiti amin a soldado, pulis ken military forces a saan nga agtulnog iti pammilin ni President Ferdinand Marcos Jr.
Immunan metlaeng nga impetteng ti Philippine National Police a palso daytoy a damag.
