Agpalpalagip manen ti Benguet Police Provincial Office kadagiti agturong iti sementeryo nga agtungpalda kadagiti pagalagadan para iti panagbisita kadagiti tanem ti ipatpategda iti biag.
Sigun kenni PCOL Dionisio Bonoy, provincial director ti BPPO awan kuman ti agitugut kadagiti cleaning materials gapu ta nalpasen ti panaglilinis.
Inlawlawag ti opisyal nga adda ti nadutukan nga agbalin kas bantay iti entrance dagiti sementeryo tapnu masukimat dagiti kagawaan a maiyuneg ken tapnu maipanmnama ti seguridd dagiti amin nga agbisita.
Innayun daytoy a dagiti makumpiskar nga item ket maisubli iti agtagikua apaman nga agawid dagitoy.
Daytoy ti impalagip metlaeng ni PLTCOL. Elpidio Pagoy, chief of police ti LTMPS no sadinno maiparit ti panagitugot kadagiti arak, cleaning tools wenno natatadem a banag ken dadduma pay.
Inyebkas met ni PCOL. Bonoy a ti All soul’s day ken All saint’s day ket panawen tapnu lagipen ken ikararag dagiti minatay rason tapnu mintinaren ti kapya ken talna.
Kabayatanna, impeksa met ni PLT. Rexmar Way-yas, PCP 2 Commander a maysa kadagiti mabantayan ket ti gunay ti trapiko.
Impeksa ni PCOL. Bonoy a naadaan dan iti conference para iti daytoy no sadinno, adu dagiti maideploy kadagiti kalsada nga agipaay iti assistance para kadagiti motorista ken dadduma pay a kasapulan dagitoy.
Malaksid iti dayta, adda metlaeng ti maideploy kadagiti terminals, naka full alert metten amin a pulisya para iti oplan kaluluwa 2026.
Iti sabali a bangir, dumanon iti 774 dagiti personels manipud iti Benguet PPO bayat a 1,300 dagiti force multipliers.
Manamnama met nga agarup 37,000 ti sumang-at iti munisipyo ti La Trinidad para iti All soul’s day ken All saint’s day.//Bombo Noveh Organo
